रसुवागढी नाका जोड्ने सडक अझै खुल्न सकेन

समाज

Home
समाज
रसुवागढी नाका जोड्ने सडक अझै खुल्न सकेन

रसुवागढी नाका जोड्ने सडक अझै खुल्न सकेन

शनिवार, असार २७, २०७७ Sahakaarya Online

रसुवा - पहिरोका कारण शुक्रबार बिहानदेखि अवरुद्ध भएको रसुवागढी नाका जोड्ने सडक सञ्चालनमा ल्याउन कठिनाइ भएको छ । पानी पर्ने क्रम जारी रहेको र पहिरो झरिरहेकाले सडक खुलाउन कठिनाइ भएको हो ।

स्याफ्रु–रसुवागढी सडक खण्डको तातोपानी डाँडा र कुलुङमा पहिरो झरेर सडक अवरुद्ध भएकोमा तातोपानी डाँडाको पहिरो शुक्रबार नै पन्छाइएको प्रमुख जिल्ला अधिकारी हरिप्रसाद पन्तले बताउनुभयो । ‘सडक खुलाउने प्रयास जारी छ’, उहाँले भन्नुभयो, ‘तर ठूलो भागमा पहिरो गएको र पहिरो झरिरहने भएकाले समस्या सिर्जना भएको छ ।

जिल्लाको अन्य सडक खण्ड अहिलेसम्म अवरुद्ध नभएको उहाँको भनाइ छ । पासाङ ल्हामु मार्गको राम्चे–धुन्चे खण्ड र धुन्चे–स्याफ्रु खण्डमा सवारी सञ्चालन भइरहेका छन् ।

प्रकाशित मिति: शनिवार, असार २७, २०७७, १०:०४:००

प्रतिक्रिया दिनुहोस्